ອີງຕາມການຕົກລົງຂອງນາຍົກລັດຖະມົນຕີໃນວັນທີ
28 ສິງຫາ 2013, ຫ້ອງວ່າການລັດຖະບານ ໄດ້ອອກແຈ້ງການສະ ບັບເລກທີ 1332/ຫລບ, ລົງວັນທີ
29 ສິງຫາ 2013 ເພື່ອໃຫ້ປະຕິບັດມາດຕະການກັບບໍລິສັດສົ່ງໄມ້ອອກຕ່າງປະເທດທີ່ບໍ່ຖືກຕ້ອງຕາມລະບຽບກົດໝາຍຢູ່ດ່ານພາ
ສີລະໄລ ແຂວງສາລະວັນ ຕາມທີ່ກະຊວງການເງິນສະເໜີມາຢ່າງເຂັ້ມງວດ ຄືໃຫ້ກົມພາສີເຊີນບໍລິ
ສັດຜູ້ສົ່ງອອກໄມ້ດັ່ງກ່າວມາຮັບຊາບຜົນການກວດກາຂໍ້ມູນການສົ່ງໄມ້ອອກທີ່ບໍ່ຖືກຕ້ອງຕາມລະ
ບຽບກົດໝາຍ ແລະ ໃຫ້ກະຊວງການເງິນອອກໃບສັ່ງມອບລາຍຮັບງົບປະມານ ເປັນຕົ້ນຄ່າຊັກພິເສດ
30% ແລະ ຄ່າປັບໄໝ 30% ຂອງມູນຄ່າການຊື້-ຂາຍຕາມໂຕເລກທີ່ຝ່າຍຫວຽດນາມສະໜອງໃຫ້,
ຖ້າບໍລິສັດບໍ່ຍອມປະຕິບັດແມ່ນໃຫ້ດຳເນີນການປະກອບເອກະສານຮ້ອງຟ້ອງສານພິຈາ
ລະນາຕັດສິນຕາມຂະບວນຍຸຕິທຳ. ສຳລັບເຈົ້າໜ້າທີ່ພາສີກ່ຽວ ຂ້ອງມອບໃຫ້ຄະນະພັກກະຊວງການເງິນປະຕິບັດມາດຕະການຂຽນໃບສຳຫລວດຄວາມຮັບຜິດ
ຊອບ, ເປີດບັ້ນດຳເນີນຊີວິດການເມືອງພາສີເຂດ IV ແລະ ພາສີດ່ານລະໄລ, ຍົກຍ້າຍຄະນະພາສີດ່ານໄປຮັບໜ້າທີ່ອື່ນ
ແລະ ແຕ່ງ ຕັ້ງຜູ້ໃໝ່ປ່ຽນແທນ, ໃຫ້ປັບປຸງຄະນະພາສີເຂດ
IV ຄືນໃໝ່ ໂດຍເລືອກເອົາຜູ້ທີ່ມີຫລັກໝັ້ນ,ມີຄວາມຊື່ສັດ
ແລະ ມີຄວາມຮູ້ຄວາມສາມາດ. ສ່ວນເຈົ້າໜ້າທີ່ຂອງບັນດາຂະແໜງການ ແລະ ທ້ອງຖິ່ນທີ່ກ່ຽວຂ້ອງກັບພຶດຕິກຳການສົມຮູ້ຮ່ວມຄິດກັບຜູ້ປະກອບການ,
ລະເມີດລະບຽບກົດໝາຍ ແລະ ສ້າງຄວາມເສຍຫາຍແກ່ລັດ ແລະ ປະເທດຊາດແມ່ນມອບໃຫ້ຂະແໜງກ່ຽວຂ້ອງດຳເນີນການສຳຫລວດວດກາຄວາມຮັບຜິດ
ຊອບ ແລະ ລົງວິໄນຕາມລະບຽບ.
No comments:
Post a Comment